Капиталистичкиот профит убива! Да се обединиме против капитализмот што нè убива секојдневно

Возови што се движат во спротивни насоки на истата пруга. Натстрешница на ново-реновирана железничка станица што се урива. Пожар во ноќен клуб што работи нелегално. Три предвидливи злосторства извршени од истиот систем. Основната природа на капитализмот е тоа што создава трагедии како Темпи, Нови Сад и Кочани. Добивките на компаниите како Феровие, Хеленик Треин или трговците со гориво во Темпи, изведувачите на јавни работи во Нови Сад, сопствениците на дискотеки и угостителски објекти во Кочани се коренот на злото. Вакви трагедии се случуваат секаде во светот, но експлозијата на народниот гнев на Балканот е поврзана со генералната сиромаштија и целосната девалвација на секојдневниот живот на социјалното мнозинство.

Овие трагедии се претставуваат како симптоми на „корупција“ и балканска „заостанатост“. Корупцијата не е „балкански феномен“ – корупцијата е природата на капитализмот! Се проценува дека секоја година во светот се плаќа мито во вредност од преку 1 трилион долари. Капитализам без корупција не постои. Митото е институционализирано во капиталистичкиот систем. Големите меѓународни компании во своите буџети издвојуваат посебни фондови за поткуп на владини функционери. Истото го прават и колосалните компании од воената индустрија, оние што профитираат од ширење на национализам во региони како Балканот. Менаџери од приватниот сектор се „назначувани“ во влади, додека политичките лидери по завршувањето на мандатите добиваат лукративни позиции во бизнис светот како награда.

Многу луѓе веруваат дека ЕУ ќе биде гарант за отстранување на ваквите појави. Но во реалност, балканската корупција е „мал бизнис“ во споредба со Европскиот парламент и канцелариите на ЕУ во Стразбур и Брисел. Во ЕУ постои структурна корупција, каде што се активни околу 30.000 лобисти, од кои 7.500 се официјално акредитирани во Европскиот парламент. Тие што често се менуваат помеѓу политички улоги, претставуваат бизнис интереси, со обрт од преку 3 милијарди годишно.

Владите, буржоаските партии и медиумите нè уверуваат дека правосудниот систем ќе ги казни виновниците. Меѓутоа, буржоаскиот правосуден систем е зависен од владите и капиталистите. Народот го мрази правосудниот систем бидејќи тој е секогаш против народот – како репресивен механизам, подготвен да го легитимира секое полициско и државно самоволие и да ги прикрие злосторствата на властите. Тоа е правен систем што ги легитимираше сите анти-работнички политики, еколошкото самоволие, приватизациите и распродажбата на јавното добро. Вистинска правда за народот денес може да се „наметне“ само преку народно движење. Во суштина, вистинска правда може да постои само во општество ослободено од капиталистичките окови.

Експлозијата на корупцијата и неправдата е поврзана со приватизациите, продажбата на јавното добро, флексибилноста на работните односи и распаѓањето на работничките права. Додека профитот е структурен елемент на економската и социјалната организација, немилосрдната конкуренција меѓу капиталистите ќе се интензивира. Владите служат на профитабилноста на капиталот, наместо за задоволување на потребите на народот. Медиумите пак, го претвораат народниот гнев и вознемиреност во разочарување, настојувајќи работниците и младите да ги напуштат колективните акции и отпорот, за да бидат затворени во бедата на индивидуализмот.

Работниците и младите во Грција, Србија и Македонија ги имаат истите проблеми: тешка експлоатација, невработеност, сиромаштија и несигурност, а нивните барања се заеднички. Време е да се каже кој е одговорен како класа, а не како поединци. Трката за профит е она што ја движи капиталистичката машина.

Овој систем не може да се реформира. Ќе продолжи да нè третира како робови, слуги и ресурси. Капитализмот ја намалува вредноста на човечкиот живот насекаде во светот. Овој систем не може да се поправи. Утопистичко е барањето „чесни“ и „чисти“ политички претставници во гнилиот капиталистички систем. Ако сакаме да се ослободиме од скандали и корупција еднаш засекогаш, мора да се ослободиме од самиот капиталистички систем.

Без прикривање! Казна за вистинските виновници за злосторствата:
→ Долу убиствените влади и секоја влада што ја следи истата политика!
→ Борба за безбедни јавни добра што работат за доброто на народот, спротивно на логиката на профитот и приватизацијата!
→ Студенти, работници во Грција, Србија, Македонија – рамо до рамо во борбата против капитализмот и нееднаквоста!

Заеднички став на:

Комунистичко ослободување (Грција)
Црвена иницијатива/акција (Србија/Хрватска)
Социјалистичка зора (Македонија)