Партијата Тудех (целосното име е Партија на масите на Иран), во Иран е основана на 2 октомври 1941 година, во тесна соработка со Комунистичката партија на Советскиот сојуз, а како своја идеологија го избираат марксизмот-ленинизмот. Тудех беше една од главните политички партии во Иран сè додека не беше неутрализирана за време на пучот против шаховскиот режимот во 1953 година и последователните чистки спроведени од Исламска Држава Иран и Хомеини во текот на 80-90-те години од минатиот век.

Во прилог го пренесуваме соопштението на Партијата Тудех, во однос на воениот напад врз Иран на 28.02.2026г.

Партијата Тудех од Иран најостро го осудува агресивниот напад на криминалната израелска влада и американскиот империјализам врз Иран!

Драги сонародници!

Рано утринава, нашата земја беше нападната со обемни ракетни и воздушни удари од страна на расистичката израелска влада и Соединетите Американски Држави. Оваа отворена агресија врз иранската територија се случува во време кога претставници на иранската и американската влада, со посредство на земји од регионот, во изминатите неколку недели водеа преговори за решавање на споровите околу нуклеарната програма на Иран.

Доналд Трамп, во видео-порака со која најави „масивен воен“ напад на САД врз Иран, изјави дека целта на овој напад е уништување на нуклеарните и ракетните капацитети на Иран и, истовремено, промена на режимот во земјата. Оваа агресија врз иранската територија, која несомнено ќе резултира со загуба на животи на нашите сонародници и со уништување на земјата, беше поздравена од сили како Реза Пахлави и Муџахедин-е Халк, што несомнено е осудено од сите слободољубиви и национални сили во нашата земја. 

По почетокот на оваа отворена агресија, која е спротивна на сите меѓународни закони, Исламската Република започна одмазднички ракетни напади врз Израел и врз американските бази во Бахреин, Катар, Абу Даби, Кувајт, Јордан и Саудиска Арабија. Исто така, според извештаи на светските новински агенции, израелските воздухопловни сили го нападнале јужен Либан и области во близина на Багдад, на територијата на Ирак. 

Драги сонародници!

Воената агресија на американскиот империјализам и израелската влада, која е предмет на правна постапка пред Меѓународниот суд на правдата во Хаг за злосторства против човештвото, не само што не претставува навестување за ослободување на Иран од јаремот на сегашната тиранија и диктатура, туку претставува обид за уништување на Иран како способна регионална држава и обид да се замени сегашната влада со зависен и деспотски режим кој веќе ја објави својата програма за крваво потиснување на своите противници.

Партијата Тудех од Иран ги повикува сите национални и слободољубиви сили на Иран, како и мирољубивите и прогресивни сили ширум светот, во овие чувствителни и одлучувачки моменти да ги здружат своите сили за воспоставување мир и за ставање крај на оваа агресија на Израел и американскиот империјализам врз нашата татковина. Уништувањето на Иран не е начин да се спаси земјата од јаремот на сегашната деспотска власт; тоа е можно само преку борбата на народот и на слободољубивите и национални сили во земјата.

Партија Тудех од Иран
28 февруари 2026

Линк од соопштението на англиски јазик тука.